Bywyd yn y Bydysawd

Sut mae ffurfiau bywyd yn goroesi mewn amodau eithafol yma ar y Ddaear – a beth allem ni ei ganfod yn byw yn y bydysawd y tu hwnt i'n planed ni?

Mae'r cynllun gwers PDF am ddim hwn yn rhoi trosolwg o ffurfiau bywyd sy'n byw ac yn ffynnu mewn amgylcheddau eithafol: fel arafsymudwyr, 'eirth dŵr' sydd yn mesur dim mwy na 0.5mm yn eu llawn dwf. Mae'r wers hefyd yn archwilio lleoedd mor anarferol ag Anialwch yr Atacama, sydd ag amgylchedd sy’n debyg i’r blaned Mawrth – ac yn ystyried sut y gallem ni ddefnyddio technoleg i ddod o hyd i fywyd mewn mannau eraill yn y bydysawd.

Mae'r PDF yn cynnwys darluniau gan Oliver Jeffers, yr awdur a'r artist plant enwog, ac mae'n cynnwys sawl ffilm sy'n cyflwyno pynciau allweddol. Mae’r cynllun gwers yn cynnwys digon o awgrymiadau ar gyfer trafodaethau a gweithgareddau creadigol wedi'u hysbrydoli gan y themâu hyn – gwneud ffilm, creu e-lyfr, cynllunio chwiliedydd y gofod robotig a mwy.