UNBOXED yng Cymru

Mae'r rhaglen UNBOXED yng Nghymru yn cychwyn heddiw gydag agoriad Amdanom Ni, digwyddiad awyr agored anhygoel sy’n rhad ac am ddim, sy'n archwilio 13.8 biliwn o flynyddoedd o hanes o'r Glec Fawr hyd heddiw.

Gyda’r nos, bydd Castell Caernarfon a’r Maes yn cael eu gweddnewid yn gynfas enfawr a fydd yn cyfuno animeiddio wedi’i fapio a’i daflunio'n fyw gyda barddoniaeth, cerddoriaeth, a chorau byw o Gymru yn perfformio sgôr newydd sbon gan Nitin Sawhney CBE. Mae beirdd o Gymru, Grug Muse a Llŷr Gwyn Lewis wedi ysgrifennu cerddi newydd ar gyfer sioeau byw Amdanom ni, a gyflwynir yn Gymraeg ac yn Saesneg. Yn ystod y dydd, bydd gosodiadau fideo LED yn arddangos creadigrwydd plant a phobl ifanc o ysgolion cynradd yng Ngwynedd drwy gerddi ac animeiddiadau Scratch.

Mae rhaglen Cymru o UNBOXED 2022 hefyd yn archwilio popeth o hanesion cudd Casnewydd ac Abertawe i straeon pobl a lle yn nhirweddau Ynys Môn, Bannau Brycheiniog a Gŵyr, treftadaeth a hunaniaeth Cymru yw un o themâu allweddol y rhaglen yng Nghymru. Mae syniadau cyffredin am gynaliadwyedd amgylcheddol a'r gwahanol ffyrdd y mae pob un ohonom yn gweld y byd hefyd yn cael eu harchwilio wrth i'r rhaglen edrych i'r dyfodol.

- Bydd GALWAD: Stori o’n dyfodol, a gomisiynwyd gan Cymru Greadigol, yn gweld  talent fwyaf beiddgar Cymru ym maes sgrin, perfformiad a thechnoleg greadigol yn creu stori aml-blatfform gyda chyfranogwyr ledled Cymru, i ddatblygu mewn amser real dros wythnos. Mae GALWAD yn archwilio dyfodol posibl ymhen 30 mlynedd ym Mlaenau Ffestiniog, Merthyr Tudful ac Abertawe. Yn weithred greadigol ac uchelgeisiol o ddychymyg ar y cyd o Gymru a chan Gymru, caiff GALWAD ei ysbrydoli gan ddarn o ddeddfwriaeth sy'n unigryw i Gymru, Deddf Llesiant Cenedlaethau'r Dyfodol (Cymru) 2015, a bydd yn eich gwahodd i archwilio cyfyng-gyngor a phosibiliadau moesol math gwahanol o ddyfodol.

- Green Space Dark Skies yn gwahodd 20,000 o bobl i gymryd rhan yn y gwaith o greu gweithiau celf awyr agored enfawr yn rhai o dirweddau eithriadol y DU. Mae grwpiau cymunedol ac aelodau o'r cyhoedd wedi eu recriwtio i fod yn 'Oleuwyr' ar gyfer pum digwyddiad yng Nghymru, gan gynnwys Ynys Môn, Bannau Brycheiniog a Gŵyr, sy'n archwilio straeon y lleoliadau hynny a chysylltiad pobl â nhw.

- Mae Dreamachine yn fath newydd pwerus o brofiad trochi sy'n archwilio potensial diderfyn y meddwl dynol. Fe'i cyflwynir yng Nghaerdydd o 12 Mai. Tocynnau am ddim ar gael o heddiw ymlaen (30 Mawrth). (www.dreamachine.world)  Crëwyd Dreamachine gan Collective Act sy'n dwyn ynghyd Assemble, artistiaid sydd wedi ennill Gwobr Turner, Jon Hopkins, cyfansoddwr a enwebwyd am wobrau Grammy a Mercury, a thîm o dechnolegwyr, gwyddonwyr ac athronwyr blaenllaw.

- Mae StoryTrails yn defnyddio datblygiadau newydd mewn technoleg rhyngrwyd 3D yn un o'r prosiectau hanes byw ac archif mwyaf uchelgeisiol a gynhaliwyd erioed. Bydd cynulleidfaoedd yn gweld Casnewydd ac Abertawe yn cael eu gweddnewid gan straeon na adroddwyd o’r blaen drwy realiti estynedig. Mae pobl greadigol o Gymru wedi cael eu recriwtio i wireddu'r prosiect hwn sy'n cynnwys yr hanesydd a'r darlledwr, David Olusoga OBE.