Enjoyed by millions
UNBOXED has reached over 18 million people across all four nations of the UK.
The People's Piazza ar BBC2
David Olusoga, Gynhyrchydd Gweithredol StoryTrails yn cyflwyno rhaglen o’r enw The People’s Piazza, A History of Covent Garden, i'w darlledu ar BBC2 ddydd Sul 13 Tachwedd
Published:
Lawrlwythwch y datganiad i'r wasg "The People's Piazza ar BBC2" (PDF)
Bydd yr hanesydd, y cyflwynydd teledu a Chynhyrchydd Gweithredol StoryTrails, David Olusoga yn cyflwyno ffilm ddogfen i gyd-fynd â StoryTrails, sef The People's Piazza, A History of Covent Garden, fydd yn cael ei darlledu ar BBC Two ddydd Sul 13 Tachwedd am 9pm yn dilyn dangosiad cyntaf y ffilm yng Ngŵyl Ffilm BFI Llundain ym mis Hydref fel rhan o raglen LFF For Free. Mae StoryTrails, profiad storïol ymgolli mwyaf y DU, wedi bod yn teithio ledled y DU dros yr haf, o Omagh i Dundee ac o Abertawe i Slough. Bydd StoryTrails a gomisiynwyd yn rhan o UNBOXED: Creadigrwydd yn y DU yn adrodd cannoedd o straeon lleol a hanesion cudd gan ddefnyddio technolegau rhyngweithiol newydd cyffrous,.
Gan adrodd hanes un o fannau cyhoeddus mwyaf adnabyddus Lloegr, Piazza Covent Garden, o'i flynyddoedd cynnar fel maes chwarae i'r bonedd, dirywio i fod yn adfail ac yna ei adfer, bydd yr hanesydd, y cyflwynydd teledu a Chynhyrchydd Gweithredol StoryTrails, David Olusoga yn camu'n ôl mewn amser i archwilio hanes tymhestlog eiconig y piazza. Dros bedair canrif mae Piazza Covent Garden wedi bod yn farchnad, yn fan cyfarfod, ac yn safle protest, perfformiad ac adnewyddu. Yn y rhaglen ddogfen hon mae David Olusoga yn archwilio ei hanes, a gyda chymorth llu o arbenigwyr a llygad-dystion, yn cyfleu ysbrydion y gorffennol – masnachwyr marchnad, plant amddifad, artistiaid ac ymgyrchwyr.
Cyd-gynhyrchwyd y ffilm gan StoryFutures Academy, y ganolfan genedlaethol dros adrodd straeon ymgolli, y tîm y tu ôl i StoryTrails a'r BFI, ac mae’n cyfuno llawer o ffilmiau archif, gan gynnwys Every Day Except Christmas (1957) gan Lindsay Anderson o Archif Genedlaethol y BFI gyda thechnegau cynhyrchu rhithwir i ddod â hanes y man dinesig eiconig hwn yn fyw.