Hwyl i Deuluoedd

SEE MONSTER

Archwilio’r Awyr Agored 

Ewch i'n comisiwn sy'n hwylus i'r teulu, SEE MONSTER yn Weston-super-Mare. Mae platfform ar y môr sydd wedi’i ddigomisiynu o Fôr y Gogledd yn dod yn SEE MONSTER, un o osodiadau celf cyhoeddus mwyaf y DU – 15m yn dalach nag Angel y Gogledd!

Mae hwn yn gyfle prin i ddod yn agos at un o’r Angenfilod sydd fel arfer yn treulio ei amser allan ar y môr. Ewch ati i archwilio'r arddangosfeydd a'r gweithgareddau rhyngweithiol ar y pedair lefel, gan gynnwys ystafell dywydd lle gallwch gael profiad o bob math o dywydd, edmygu'r rhaeadr enfawr sy’n creu rhu’r anghenfil a gweld Weston o safbwynt newydd.

Mae gan SEE MONSTER raglen o weithgareddau teuluol hefyd, gan gynnwys rhaglen lawn ar gyfer hanner tymor mis Hydref. Ewch i wefan SEE MONSTER i gael y manylion.

Dewch i Ymweld â Ni ar Ein Taith

Mae tîm UNBOXED yn mynd ar daith, gan fynd â'n stondin i wyliau a digwyddiadau a gynhelir ym mis Medi a mis Hydref. Dewch yn llu i gwrdd â ni am gyfle i gymryd rhan mewn cyfres o weithgareddau rhyngweithiol llawn hwyl i bob oed yn cynnwys lliwiau, cerddoriaeth, rhithiau a mwy.

Our Place in Space

Gweld y byd o safbwynt gwahanol

Mae ap Our Place in Space yn eich galluogi i fwynhau llwybr cysawd yr haul yn unrhyw le. Gallwch ddewis cerdded yr 8.5km cyfan o'r haul i blaned Mercher neu dim ond darnau bach ohono ar y tro. Mae’r daith gerdded yn fodel graddfa berffaith o gysawd yr haul ac yn galluogi plant (a phlant mawr) i ddeall maint ein cymdogaeth blanedol mewn ffordd y gallant uniaethu â hi.

Mae hefyd lu o gymeriadau arbennig Oliver Jeffers i chi ddod o hyd iddynt ar hyd y ffordd.

Ar gyfer darpar ofodwyr

Mae tîm Our Place in Space wedi ymuno ag arloeswyr o faes gwyddoniaeth, technoleg, peirianneg, y celfyddydau a mathemateg, a fydd yn ysbrydoli plant i feddwl mewn ffyrdd newydd am y gofod a’n lle ynddo. Bob mis, caiff her greadigol newydd ei lansio. Hyd yma, mae gan y Peiriannydd McLaren, Ella, her ddylunio; mae angen cymorth ar y gofodwr NASA, Chris Hadfield, gyda'i genhadaeth ddiweddaraf; mae'r awdur, Neil Gaiman, yn herio plant i sianelu eu hawdur mewnol; ac mae angen criw creadigol ar y gofodwr NASA, Nicole Stott i helpu ei chenhadaeth arbennig.

Dysgwch fwy

PoliNations

Blodyn sy’n unigryw i chi

Ewch ati i greu blodyn realiti estynedig a'i blannu mewn gardd rithwir epig gyda'r ap. Mae ap PoliNations yn holi 12 o gwestiynau syml amdanoch chi'ch hun, a sut rydych chi'n gweld y byd ac yn creu blodyn sy'n gwbl unigryw i chi. Drwy ryfeddodau realiti estynedig, gallwch chi blannu eich blodyn unrhyw le yn y byd, ei groesbeillio â phlanhigion eraill i greu blodau newydd a chreu eich gardd rithwir epig eich hun.

Dreamachine

Dewch o hyd i atebion i Gwestiynau Mawr Bywyd

Gall plant 7 oed neu hŷn roi cynnig ar Life Big Questions gan Dreamachine. Cymerwch ran mewn pum her AM DDIM, a gynhelir gan Martin Dougan o CBBC Newsround, sy'n cymryd tua 15 munud i'w cwblhau ac sy'n datgelu potensial anhygoel yr ymennydd dynol a sut mae eich synhwyrau'n archbŵer i chi.

StoryTrails

Dysgwch straeon newydd am leoedd roeddech chi’n meddwl eich bod yn eu hadnabod, gyda'r ap

GALWAD

Gwyliwch stori ein dyfodol yn datblygu

Bydd GALWAD, sef drama a osodwyd yn y dyfodol, ar gael i bobl ifanc yn eu harddegau ac oedolion ifanc ei gwylio am ddim ar Sky Arts o 2 Hydref 2022. Stori wedi’i gosod 30 mlynedd yn y dyfodol yw GALWAD, a fydd yn datblygu drwy ddrama deledu, llwyfannau digidol a digwyddiadau byw mewn tri lleoliad yng Nghymru – Blaenau Ffestiniog, Merthyr Tudful ac Abertawe, o 26 Medi. Darlledir uchafbwynt yr wythnos ar Sky Arts ar 2 Hydref, gan ddod â thalentau amlycaf Cymru ym maes ffilm a theledu, technoleg greadigol a pherfformiadau byw ynghyd, gan gynnwys y dylunydd cynhyrchu arobryn Alex McDowell (a weithiodd ar Minority Report).